பள்ளி யடைந்திடும் முன்பு - சாலையில்
பார்த்து நடந்திடு தம்பி
துள்ளி வந்திடும் வாகனம் - புறந்
தள்ளிச் சென்றிடும் தம்பி!
ஓட்டுநர் உரிமம் இலாதவர் - வண்டி
ஓட்டுவ துண்டு தம்பி
ஓட்டுநர் பலபேர் விதி s- மீறி
ஓட்டுவ துண்டு தம்பி!
தோழனைத் தொட்டு ஆடியே - சாலையில்
துள்ளி நடந்திடில் தம்பி
மரணம் வருமே நாடியே - நெஞ்சில்
கவனம் வைத்திடு தம்பி!
தங்கமாய் நினைத்தே உன்னை - தாய்
தந்தை அனுப்புவார் தம்பி
அங்கத்தில் வந்திடும் ஊனம் - சாலை
ஆபத்தில் சிக்கினால் தம்பி!
ஒருவர் ஒருவராய்த் தொடர்ந்து - சாலை
ஓரமாய் நடக்கணும் தம்பி
இருவர் இருவராய் இணைந்து - சாலையின்
இடையே கடக்கணும் தம்பி!
துள்ளி வந்திடும் வாகனம் - புறந்
தள்ளிச் சென்றிடும் தம்பி
பள்ளி யடைந்திடும் முன்பு - சாலையில்
பார்த்து நடந்திடு தம்பி!
