ஜூன் – 16 உலகத் தந்தையர் நாள் : தந்தை தன்னைப் போற்றிடுவோம்!
தாயின் அன்பில் வளர்ந்தாலும்
தந்தை நமக்கு முதல் ஆசான்;
சேயின் நலனைக் காப்பதற்காய்
சிறிதும் ஓய்வு கொள்ளாரே;
ஓடி ஓடி உழைத்திடுவார்;
உறக்கம் எல்லாம் கலைந்திடுவார்;
நாடி நாமும் விரும்பியதை
நாழி கைக்குள் அளித்திடுவார்!
தன்னை விடவும் தன்மக்கள்
தரையில் உயர வேண்டுமெனத்
தன்னைத் தியாகம் செய்வதிலே
தந்தைக் கீடு யாருண்டு?
சிந்தை யெல்லாம் தன்னுடைய
சேயின் நன்மை என்றிருப்பார்;
தந்தை ஊட்டும் அறிவேதான்
தரையில் நமக்கு முதல் பாடம்!
முந்தை நாளில் பகுத்தறிவை
முற்றாய் இங்கே ஊட்டியதால்
‘தந்தை பெரியார்’ ஆனாரே;
தந்தை தன்னைப் போற்றிடுவோம்!!
– கே.பி.பத்மநாபன்,
கோவை.
