பிஞ்சுநூல் அறிமுகம்: எங்கேயோ கேட்டவை!
நூல் பெயர்: எங்கேயோ கேட்டவை!
ஆசிரியர் : இசைக்கவி சு.அ.யாழினி
வெளியீடு : இனிய நந்தவனம் பதிப்பகம், எண்: 17, பாய்க்காரத் தெரு, உறையூர், திருச்சி – 620 003.
பக்கங்கள் : 76 | விலை : ரூ. 100
பெரியார் பிஞ்சு திருச்சி சு.அ. யாழினி எழுதி இருக்கும் கவிதைகளின் தொகுப்பு “எங்கேயோ கேட்டவை” என்ற தலைப்பில் புத்தகமாக வெளியிடப்பட்டிருக்கிறது. பள்ளி மாணவியாக (6 ஆம் வகுப்பு முதல் 12 ஆம் வகுப்பு வரை) இருக்கும்போதே அவர் எழுதியுள்ள கவிதைகள் நமக்கு வியப்பைத் தருகின்றன.
தன்னம்பிக்கை, பகுத்தறிவு, பெண்ணுரிமை, மூடநம்பிக்கை ஒழிப்பு, இயற்கை, தாய்மொழி, விடுதலை உள்ளிட்ட பல்வேறு பொருள்களில் 113 கவிதைகளைத் தொகுத்திருக்கிறார்.
புத்தகத்தின் கடைசி வரி “இது செயலின் முடிவல்ல; முயற்சியின் தொடக்கம்” என்பதாகும். இந்தத் தொடக்கம் இன்னும் பல படைப்புகளை உருவாக்கும் ஊக்கத்தை அவருக்கு வழங்கட்டும். ‘பெரியார் பிஞ்சு’ சார்பில் நாம் வாழ்த்துகளைப் பகிர்வோம்!
