முந்திரிப்பழம்

ுந்திரி மரத்தின் பூர்வீகம் தென் அமெரிக்கா ஆகும். வெப்ப மண்டல நாடுகளில் இம்மரம் வளர்க்கப்படுகிறது. முந்திரிப் பழமானது ஆரம்பத்தில் பச்சை நிறமாக இருந்து மரத்திலேயே பழுக்கும் தன்மையுடையது. பழங்கள் மஞ்சள் மற்றும் இளஞ்சிவப்பு கலந்த மஞ்சள் நிறத்தில் காணப்படும். முந்திரிப்பழம் இனிப்பாக இருப்பதுடன் சுவைக்கும்போது இனிய வாசனையையும் தரும். இப்பழத்தின் தோல் மிகவும் மெல்லியதாகவும் இதன் சதைப்பகுதி அதிகமான சாறு நிறைந்ததாகவும் இருக்கும். பொதுவாக விதைகள் அல்லது கொட்டைகள் பழத்திற்கு உள்ளாகவே அமைந்திருக்கும். ஆனால், முந்திரிப்பழத்தின் கொட்டையானது முந்திரிப் பழத்திற்கு வெளியே அமைந்திருக்கும்.

முந்திரிக்கொட்டை மிகவும் சுவையாக இருக்கும். இதை ‘கப்பல் வித்தான் கொட்டை’ என்றும் கூறுவர். வணிகத்திற்காக வந்த வெளிநாட்டவர் இதன் சுவையால் ஈர்க்கப்பட்டு, கப்பலை விற்று முந்திரிப் பருப்பு உண்டதாகக் கூறுவர். இப்பேர்ப்பட்ட வரலாற்றைக் கொண்ட இந்த முந்திரிப் பழத்தை நாம் ஆங்கில எழுத்துகளின் உதவியுடன் எவ்வாறு எளிமையாக வரையலாம் என்பதைக் காண்போம்.

இதற்குத் தேவையான ஆங்கில எழுத்துகள்:

O, U, C மற்றும் D.

வாங்க, வரையலாம்.

படத்தில் காண்பது போல் ‘O’ எழுத்தை எழுதவும்.

‘O’ எழுத்தின் மேற்பகுதியில்  ‘U’ எழுத்தைப் படத்தில் காண்பதுபோல் தலைகீழாக எழுதவும்.

‘U’ எழுத்தின் இடது மற்றும் வலது புறத்தில் வளைவு கோடு கொண்டு படத்தில் காட்டியபடி இணைக்கவும்.

தேவையற்ற கோடுகளை அழித்துவிட்டு ‘O’ எழுத்தின் அடிப்பகுதியில் ‘C’ எழுத்தை எழுதவும்.

‘C’ எழுத்தின் வலது புறத்தில் ‘D’ எழுத்தைப் படத்தில் காட்டியபடி எழுதவும்.

தேவையற்ற கோட்டை அழித்துவிடவும். இப்பொழுது முந்திரிப்பழத்தின் ஒரு பகுதி உங்களுக்குக் கிடைத்திருக்கும்.

முந்திரிப் பழத்தின் காம்புப் பகுதியில் இலைகளை, வரைந்து கொள்ளவும்.

வண்ணம் தீட்டி மகிழுங்கள்.<