வண்ணத்துப் பூச்சி

றவைகளுக்கும், பூக்களுக்கும் வண்ணங்களை வாரிவாரிக் கொடுத்தது போல பூச்சியினங்களில் வண்ணத்துப் பூச்சிக்கும் வண்ணங்களை இயற்கை வாரி வழங்கியுள்ளது. வண்ணத்துப்பூச்சிகளில் சுமார் 15,000 முதல் 20,000 இனங்கள் வரை உள்ளன. அத்தனையும் கண்களைக் கவரும் வண்ணங்களைக் கொண்டவை. இப்பூச்சிகள் பூக்களில் உள்ள தேனை உறிஞ்சிப் பருகும். முட்டையிலிருந்து குடம்பி நிலையில் புழுவாக உருமாறி, பின்னர் கூட்டுப்புழு எனப்படும் உறங்கு நிலைக்குப் போய், பின்னர் அழகான வண்ணத்துப் பூச்சியாக உரு மாற்றம் பெறுகிறது. இப்பூச்சிகள் வலசைக்காக சுமார் 3000 கிலோ மீட்டரில் இருந்து 5000 கிலோ மீட்டர் வரை அதிகமான தொலைவு பறந்து செல்கின்றன. கடும் வெப்பம் நிறைந்த பாலைவனங்களில்கூட வாழ்கின்றன. இத்துணைச் சிறப்பு மிக்க வண்ணத்துப்பூச்சியை எவ்வாறு ஆங்கில எழுத்துகள் (A,T,O,U) உதவியுடன் வரையலாம் என்பதைப் பார்க்கலாம்.

‘A’ எழுத்தைத் தலைகீழாக எழுதவும்.

‘A’ இன்
உட்பகுதியில் ‘T’ எழுத்தை எழுதவும்.

‘A’ மற்றும் ‘T’ எழுத்தைப் படத்தில் காண்பது போல் இணைத்துக் கொண்ட பின்னர், நடுப்பகுதியில் குறுக்குக் கோடு ஒன்று வரைந்து கொள்ளவும். பின்னர் தேவையற்ற கோடுகளை அழித்து விடவும்.

படத்தில் காட்டியபடி O,U எழுத்துகளை எழுதவும்.

‘U’ இன் அடிப்பகுதியில் படத்தில் காண்பதுபோல் நீள் வட்டம் வரையவும்.

தேவையற்ற கோடுகளை அழித்துவிட்டு, படத்தில் காண்பது போல்  வளைவு கோடு கொண்டு வரைந்து கொள்ளவும். இப்போது வண்ணத்துப் பூச்சியின் மேல் பகுதி இறக்கை கிடைத்திருக்கும்.

தேவையற்ற
கோடுகளை அழித்துவிட்டு வண்ணத்துப் பூச்சியின் அடிப்பகுதியில் சிறிய அளவிலான இறக்கையை வரைந்து கொள்ளவும்.

தேவையற்ற கோடுகளை அழித்துவிட்டு வண்ணத்துப் பூச்சியின் தேன் உறிஞ்சும் குழல் வரைந்து கொள்ளவும்.

வண்ணத்துப் பூச்சியின் உட்பகுதியில் கண்ணைக் கவரும் வடிவங்களை வரைந்து கொள்ளவும் வண்ணம் தீட்டிக் கண்டு மகிழவும்.<