2026 பொங்கல் வாழ்த்துக்கள்

புத்தாண்டு வந்ததிந்தப் பூதலத்தில்

புன்னகையும் பூத்ததின்று பூமுகத்தில்

புதுமையிங்கு மலரட்டும் புரட்சியோடு;

பொதுவுடைமை பரவட்டும் பெருமையோடு!

இதுவேநம் வாழ்வுக்கு இன்பமயம்

என்றைக்கும் நிலவட்டும் அன்புமயம்!

பொங்கல்நாள் வந்ததிங்கு பாங்குடனே

பேரின்பம் பிறந்ததின்று மனங்களிலே

மங்காத செல்வங்கள் குவிந்திடவே;

மெய்யான வாழ்வொன்று தங்கிடவே

தங்கமகள் தைமகளே நீவருக

தமிழர்தம் வறுமைக்கு விடைதருக!

அன்பெங்கும் விரியட்டும் வானம்போல்

அடலேறாய் ஆர்த்தெழுவோம் உறுதியோடு!

துன்பங்கள் மறையட்டும் எந்தநாளும்;

துணிவோடு நடந்திடுவோம் பூமியிலே!

நன்னெறிகள் நெஞ்சத்தில் தழைக்கட்டும்

நனிதுயரம் இழைப்பவர்கள் ஒழியட்டும்!

இந்நாளில் எல்லோரும் இன்புறவே

எழில்வானம் போல்விரிந்து வாழ்ந்திடவே

இந்நாளில் வந்ததொரு பொன்வசந்தம்;

இற்றைப்போல் எந்நாளும் மகிழ்ந்திடவே

செந்தமிழில் “பா” வொன்று நான்தொடுத்து

அன்புடனே தருகின்றேன் வாழ்த்தொன்று!

– கே.வி.ஜனார்தனன்

காஞ்சிபுரம்