உழைப்பே உயர்வு!

ஓடி ஓடி எறும்பெல்லாம்

ஒன்றி ணைந்தே உழைத்தபடிக்

கூடி உணவைச் சேர்ப்பதெல்லாம்

கூட்டு றவையே கற்பிக்கும்;

பாடிப் பறந்தே தேனீக்கள்

பலநாள் சேர்த்த தேன்தன்னை

ஈடில் லாத கொடையாக்கி

ஈதல் உழைப்பின் பலன்குறிக்கும்!

ஆடிப் பாடி உழைத்திட்டால்

அலுப்பே என்றும் இருக்காது;

பாடி வைத்தே சென்றிட்டார்

பாவலர்கள் யாவருமே;

நாடி உழைத்தே பணிகளையே

நன்றாய் நீயும் முடித்திட்டால்

கோடி கோடி பாய்ச்செல்வம்

குவியும் வாழ்வில் விரைவாக!

மாடி வீட்டில் வாழ்ந்தாலும்

மண்ணில் உழைக்க வேண்டுமடா;

வாடி வீழும் ஏழையரின்

வாழ்வைக் காக்க உழைத்திடுவாய்;

நீடித் திங்கே உயிர்வாழ

நிறைந்த உழைப்பே உரமாகும்;

தாடிப் பெரியார் வாழ்விங்கே

தரணி போற்றும் சான்றாகும்!<

– கே.பி.பத்மநாபன்,

  கோவை