நிலவையும் குப்பையாக்கி விட்டோமா?-பெருமாள் சாமி சுப்புராஜ்
குப்பைப் போட்டுட்டு அதுக்குப் பேரு வைக்கிறதில மட்டும் குறைச்சலில்ல
மனிதர்கள் நிலாவில் 200 டன்களுக்கும் அதிகமான குப்பைகளை விட்டுச் சென்றுள்ளனராம்!
பழைய காலணிகள், உடைந்த கருவிகள், பயன்படுத்தப்பட்ட விண்கலங்களின் பாகங்கள், அறிவியல் உபகரணங்கள், ரோவர்கள், ஏன் விண்வெளி வீரர்களின் கழிவுப் பைகள் எனப் பல பொருட்கள் நிலவின் மேற்பரப்பில் சிதறிக் கிடக்கின்றன. நிலவில் இருந்து பாறைகளை பூமிக்கு எடுத்து வர இடம் தேவைப்பட்டதால், கொண்டு சென்று பயன்படுத்தப்பட்ட குப்பைகள் பெரும்பாலும் அங்கேயே விடப்பட்டன. குப்பைகளை விட்டுச் செல்லும் நமது பழக்கத்தை நம் சொந்த கிரகத்திற்கு அப்பாலும் கொண்டு சென்றிருக்கிறோம் என்பதைப் பெருமையாகவா சொல்ல முடியும்?
சிலர் இதை விண்வெளிக் குப்பை (Space junk) என்று அழைக்கிறார்கள். மற்றவர்கள் இதை மனிதகுலத்தின் விண்வெளிப் பயணத்தின் முதல் படிகளின் தொல்பொருள் பதிவு (Archaeological record) என்று பார்க்கிறார்களாம்.
