வானவில்லும் வாழ்வும்!(சிறார் பாடல்)

வெயிலும் மழையும் சேர்ந்திட்டால்

விரியும் வான வில்லேதான்;

மயிலின் தோகை படர்ந்தாற்போல்

மனத்தை மயக்கும் அழகைக்காண்!

ஏழு வண்ணம் கொண்டிங்கே

எழிலாய் வானில் விரிந்தாலும்

ஆழ்ந்த வெண்மை அடிப்படையாம்;

அறிவி யல்தன் கூற்றாகும்!

வான வில்லின் வண்ணங்கள்

வாழ்வில் உணர்த்தும் பொருளுண்டு;

ஞான வெண்மைச் சிதறல்தான்

நமது இன்ப துன்பங்கள்!

அடிப்ப டையாம் அன்பின்மேல்

அழகாய் நேயம் படிந்திட்டால்

கடிதில் வான வில்லெழில்போல்

காண லாமே இன்பங்கள்!!<

– கே.பி.பத்மநாபன்,

  கோவை