ரெட்டைக் கிளவி!

படபடவென்று சிறகை அசைத்து

பட்டாம்பூச்சி பறக்கிறது

சடசட சடசட என்றேதான்

சிட்டுக்குருவி பறக்கிறது!

கடகட என்றே வானத்தில்

கருமேகங்கள் உருட்டினவே!

மடமட என்றே ஆற்றில்தான்

வெள்ளம் பாய்ந்து வருகிறது!

ரெட்டைக் கிளவி இலக்கணத்தில்

தனியே அதற்குப் பொருளில்லை

ஒன்றோ டொன்று இணைவதனால்

எத்தனை எத்தனை அழகதிலே!

தனியே நாமும் நின்றிருந்தால்

ரெட்டைக் கிளவி போலத்தான்

துணையாய் நல்ல நட்பிருந்தால்

எவரும் வெற்றி கண்டிடலாம்!<

– அருப்புக்கோட்டை செல்வம்