நம் அண்ணா (அறிஞ்ர் அண்ணா நினைவு நாள் பிப்ரவரி-3)
கல்வியிற் சிறந்தவர் நம் அண்ணா
காட்சிக்கு எளியவர் நம் அண்ணா
வல்லவர் வாழ்வில் தூயவரே
வாழ்ந்தார் மக்கள் உயர்ந்திடவே!
கடமை கண்ணியம் இரண்டுடனே
கட்டுப் பாடும் வளந்திட்டார்!
மடமை நீக்கிப் பகுத்தறிவை
மக்களிடம் வளர்த்தார் நம் அண்ணா!
நல்ல தொண்டு பல செய்தார்
நற்றமிழ் மொழியைக் காத்திட்டார்!
வெல்லம் போல பேச்சிருக்கும்
விடியல் காண செயலிருக்கும்!
சொல்லிய வண்ணம் செயல்பட்டார்
சுயமரி யாதைத் திருமணத்தைக்
கல்லில் பொறித்த சாசனமாய்
சட்டம் செய்தவர் நம் அண்ணா!
அறிஞர் அண்ணா நம்தலைவர்
அடுக்கு மொழியில் பேசிடுவார்!
சிறிய காலமே ஆண்டிருந்தார்
செந்தமிழ் நாடெனப் பெயருமிட்டார்!
நாட்டு மக்கள் நலங்கான
நாளும் பொழுதும் ஓய்வின்றி
ஓடி உழைத்த நம் அண்ணா
உறங்கு கின்றார் கடலோரம்!!
– ஆ.ச.மாரியப்பன்
புதுக்கோட்டை
