PRONOUNS – 48(இதுதான் ஆங்கிலம்)
எம்.ஆர்.மனோகர்
பெயர்ச்சொல்லுக்குப் பதிலாக பயன்படுத்தப்படும் பிற சொற்கள் PRONOUNS என்று அழைக்கப்படுகின்றன. உதாரணமாக – I / We / he / she. ஆனால், ஆங்கிலத்தில் மொத்தம் 48 Pronounகள் இருப்பதைத் தெரிந்துகொள்ளுங்கள் பெரியார் பிஞ்சுகளே!
Pronoun எதற்காக உபயோகிக்கிறோம்? Sheela என்ற பெயர் ஒரு Noun (பெயர்ச்சொல்). Sheela is 6 years old. Sheela was born in 2019 என்றெல்லாம் திரும்பத் திரும்ப அதே பெயரைக் குறிப்பிடாமல் She is 6 years old. She was born in 2019 என்கிறோம். இந்த She ஒரு pronoun (பெயர்ச்சொல்லுக்குப் பதிலாக).
48 Pronounகளைக் கற்றுக்கொள்வதற்கு முன் First person, Second person என்பதெல்லாம் என்ன என்பதை நீங்கள் புரிந்து கொள்ள வேண்டும். இந்தச் சிக்கல் தமிழில் இல்லை. பல ஆசிரியர்கள் இதைப் புரியும்படி சொல்லித் தருவதுமில்லை. போகட்டும். இப்போது நீங்கள் புரிந்துகொள்ளுங்கள். ‘நான்’, ‘நாம்’, ‘நாங்கள்’ (I / We / We) மூன்றுமே First person. ஆனால், I என்பது First person singular (ஒருமை). We என்பது first person plural (பன்மை). ஆங்கிலத்தில் ‘நாம்’ என்பதற்கும் We தான். ‘நாங்கள்’ என்பதற்கும் We தான். அடுத்ததாக You (நீ, நீங்கள்). ஒருமைக்கும் You தான். பன்மைக்கும் You தான். இனி – அவன் / அவள் / அது – he / she / it மூன்றுமே Third person singular. அவை / இவை என்பதற்கு ‘they’ – third person plural (பன்மை). உயிருள்ள மனிதர்களுக்கும், விலங்குகளுக்கும் they தான். உயிரற்ற பொருள்களுக்கும் கூட they தான். பொருள்கள் Persons அல்ல. இருப்பினும் they தான்.
இனி 48 pronounகளையும் ஒரு chart போட்டுக் கற்றுக் கொள்ளலாம் – வாருங்கள்.
Persons 8. வகைகள் 6. 8 x 6 = 48 pronouns. கணக்கு சரிதானே? Emphasising Pronoun / Emphatic Pronoun என்றும் கூறலாம். Emphatic, reflexive இவையிரண்டும் ஒரே மாதிரிதான் இருக்கும். என்ன செய்வது? ஆங்கிலத்தில் இடியாப்பச் சிக்கல்கள் நிறைய இருந்தாலும் – “விட்டேனா பார்!” என்று புறப்படுங்கள், கற்றுக்கொள்ள! சரி. மேற்கண்ட 48 Pronounகளையும் வாக்கியங்களில் எப்படி பயன்படுத்தவேண்டும்? அடுத்த இதழில் அதைத்தான் கற்றுக் கொள்ளப் போகிறீர்கள் பிஞ்சுகளே!<
