பழுப்புத் துணி வெண்மையானது எப்படி(துணுக்குச் சீட்டு – 34)
அபி
வெண்மையான நிறத்தில் தான் யூனிஃபார்ம் இருக்கணும்னு எங்க உடற்கல்வி ஆசிரியர் சொல்லுவார். ஆனால், புதுசா இருக்கும்போது மட்டும் தான், uniform வெண்மையாக இருக்கும். காலப்போக்கில், அது பழுப்பு நிறத்துக்கு மாறிவிடும். அப்போதான், எங்க அப்பா, ஒரு ஆயுதத்தைக் கையில் எடுப்பார், அதன் பெயர் தா ‘நீலம்’.
‘நீலம்’ போட்டால், பழுப்பா இருக்கும் துணி வெளுப்பா மாறிடும்.
அது எப்படி?
பொதுவாக, நாம உடுத்தும் உடுப்பு எல்லாம், பருத்தியில் செய்ததாகவே இருக்கும். பருத்தியில் செல்லுலோஸ் (Cellulose) எனும் வேதிப் பொருள் (Chemical Compound) இருக்கும். இதனுடன் காற்றில் இருக்கும் உயிர்வளி (Oxygen) சேரும் போது, வெண்மையாக இருக்கும் Cellulose, பழுப்பு நிறத்திக்கு மாறிவிடும். ஆனால், அதை அப்பா எப்படி மறுபடியும் வெண்மையாக மாற்றினார்?
நீங்க, சின்ன வயசுல coloring book-ல் color செய்து இருக்கீங்களா?. அப்போ, பிங்க் மற்றும் Sky blue நிறத்தை, ஒன்றின் மேல ஒன்றாக அடிச்சா, அது பசும்புல் பச்சையாகக் காட்சியளிக்கும். பார்த்து இருக்கிங்களா? இல்லை என்றால், உடனே, அடிச்சுப் பாருங்க!
இது எதுக்கு இங்க? நானும், நீங்களும் காகிதத்தில் இப்படி வெவ்வேறு நிறங்களை ஒன்றின் மேல ஒன்று அடிக்கிறோம் அல்லவா? அது மாதிரிதான், அப்பாவும், துணியின் மீது வண்ணம் அடிக்கிறார். பழுப்பு நிறத்தின் மேல் நீல நிறம் (ரொம்ப கொஞ்சமாக) சேர்க்கும் போது, அது வெண்மையாகக் காட்சியளிக்கும். அப்படி தான் அப்பாவின் ஆயுதம் வேலை செய்கிறது.
அப்போ, அப்பா மேஜிக் செய்யலையா? இத்தனை காலமும் மேஜிக் என்றுதானே நினைத்தேன்! எல்லாமுமே அறிவியல் தானா!!<
