அடுக்ககம்
வத்திப் பெட்டி போலவே
வானுயர்ந்த அடுக்ககம்
தத்தித் தவளும் மேகமும்
தலையைத் தொடும் அடுக்ககம்
பரப்பு குறைந்த இடத்திலே
பலரும் வசிக்க அடுக்ககம் விருப்பம் கொண்டு அனைவரும்
விழைந்து வாழும் அடுக்ககம்
தூக்கணாங் குருவிக் கூடுபோல்
தோற்றம் கொண்ட அடுக்ககம்
ஏக்கம் கொண்டு பலருமே
ஏங்கிப் பார்க்கும் அடுக்ககம்
ஜாதிமத பேதமின்றி
சமத்துவமாய் வாழிடம்
ஏது மொழி? ஏது இனம்?
எல்லோரும் ஒன்றாய்க் கூடிடம்!
நிலத்தை வீணாக்காமல்
நிமிர்ந்து நிற்கும் அடுக்ககம்
நிலவில் கூட வெகுவிரைவில்
நிலைக்கப் போகும் அடுக்ககம் உயர்ந்து நிற்கும் அடுக்ககம்
உயர்ந்த சிந்தனையின் இருப்பிடம்
வியந்து மக்கள் ஒற்றுமையை
விண்ணும் மண்ணும் போற்றிடும்!
மு.பாலசுப்பிரமணியன்
புதுச்சேரி
