குழந்தைத் தொழிலை ஒழிப்போம்!
குழந்தைத் தொழிலை ஒழிப்போம்!
ஓடி ஆடும் குழந்தைகளை
உழைக்கும் படியாய்ச் செய்யாதீர்;
பாடித் திரியும் பிள்ளைகளைப்
பாரம் சுமக்க வைக்காதீர்!
மாடி வீடு கட்டுதற்காய்
மண், கல் சுமக்கச் செய்யாதீர்;
பீடி வெடிகள் தீப்பெட்டி
பிஞ்சுக் குழந்தைத் தொழிலன்று;
வீட்டின் செல்வம் மழலைகள்;
வெயிலில் உழைக்கச் செய்யாதீர்;
வாட்டி வதைத்துச் சிதைக்காதீர்;
வாச மலரை நசுக்காதீர்;
ஏழைக் குழந்தை யானாலும்
எல்லோ ருக்கும் கல்வியுடன்
கூழை, உடையைக் கொடுத்திடுவீர்;
குழந்தைத் தொழிலை ஒழித்திடுவீர்!
கே.பி. பத்மநாபன், கோவை
