2018 ஆம் ஆண்டுக்கான சிறந்த பெரியார் பிஞ்சு வாசகர் பரிசு பெறுவது எப்படி?
கடந்த இரண்டு ஆண்டுகளாக, ”சிறந்த பெரியார் பிஞ்சு வாசகர்” என்ற பரிசு நம் பிஞ்சுகளுக்கு வழங்கப்பட்டு வருகிறது. இந்த பரிசைப் பெறுவது எப்படி என்ற ரகசியத்தை கீழே தந்திருக்கிறோம். விண்ணப்பித்து விருது வாங்க வேண்டியதில்லை. அதற்கென்று தனியாக எதுவும் செய்ய வேண்டியதில்லை. தனியாக குறிப்பிட்டு எழுத வேண்டியதில்லை. நீங்கள் செய்ய வேண்டிய-தெல்லாம் தொடர் நடவடிக்கைகள். அவை என்ன என்பதைத் தான் கீழே குறிப்பிட்டுள்ளோம். எத்தனை பேர் இந்த ஆண்டு போட்டி போடுகிறீர்கள் என்று பார்ப்போம்.
1. பெரியார் பிஞ்சு இதழுக்கு தொடர்ந்து படைப்புகள் அனுப்ப வேண்டும். (கதை, கட்டுரை, கவிதை, ஓவியம், துணுக்குகள்)
2. பெரியார் பிஞ்சு இதழில் இடம்பெறும் போட்டிகளில் பங்கெடுக்க வேண்டும்.
3. பெரியார் பிஞ்சு இதழ் குறித்து உங்கள் கருத்துகளைத் தொடர்ந்து எழுதி வர வேண்டும்.
4. பெரியார் பிஞ்சு இதழில் இடம்பெறும் பிழைகளைச் சுட்டிக்காட்டி ‘மன்னிச்சூ…’ பகுதிக்கு திருத்தங்களை அனுப்ப வேண்டும்.
இது எல்லாத்துக்கும் முக்கியமா பெரியார் பிஞ்சு படிக்க வேண்டும்… எங்க பார்ப்போம்… 2018 ஆம் ஆண்டில் எத்தனை பேர் வரிசையில் வரப்போகிறீர்கள் என்று?
– பொறுப்பாசிரியர்
