விளக்கு ஏந்திய விட்டில் பூச்சி!

வீட்டுக் குள்ளே நட்சத்திரம்

கண் சிமிட்டுது – அது

விண்வெளியில் இருந்து இங்கே

எப்போ வந்தது?

பறந்து பறந்து அறைமுழுக்க

வெளிச்சம் காட்டுது – அதைப்

பார்க்கும் கண்கள் அதிசயத்தில்

அகல விரியுது!

எட்டிப் பிடிக்க முயலும்போது

தப்பி ஓடுது – நான்

சற்றுநேரம் உற்றுப் பார்த்தால்

கணத்தில் மறையுது!

வண்ண விளக்கைக் கையில் ஏந்தி

என்ன தேடுது? – அதை

அறிந்து நானும் உதவிசெய்ய

ஆவல் பெருகுது!

மு.நடராசன், புதுச்சேரி