கேளுங்கள் மிஸ்டர் ஜி,கேவிடம்!
உங்கள் ஓய்வு நேரங்களில் நீங்கள் பார்க்கத் தகுந்த யூ டியூப் சேனல்களில் ஒன்று Mr.Gk.Tamil. அறிவியல் சார்ந்த கேள்விகளுக்கு, விரிவான, விளக்கமான பதில்களைத் தருகிறார் மிஸ்டர் ஜிகே. தமிழ். அதே நேரம் அவருடைய காணொலிகள் எளிமையாகப் புரியும் வகையில் அமைகின்றன. வானத்தில் இந்த மூன்று நட்சத்திரங்களை நன்கு கவனித்திருக்கிறீர்களா?, E=mc2 என்றால் என்ன?, குவாண்டம் என்றால் என்ன? என்று அறிவியல் தத்துவங்கள், உண்மைகளை எடுத்துச் சொல்லும் காணொலிகளைப் போலவே, கூடுவிட்டுக் கூடுபாய முடியுமா? என்பதில் தொடங்கி பேய் முதல் பிற மூடநம்பிக்கைகளுக்குப் பின்னுள்ள செய்திகளை அறிவியல் பார்வையில் எடுத்துச் சொல்பவையாகவும் இவரது காணொலிகள் அமைகின்றன. இந்த கொரோனா காலத்தில் வாசகர்களை இணைத்து இவர் நடத்திய வினா-விடை காணொலிகள் பலராலும் விரும்பப் பட்டன. யூ டியூப் தாண்டி, அடுத்து போட்காஸ்ட் பக்கமும் தலை காட்டுகிறார் மிஸ்டர் ஜிகே. நமக்காக பெரியார் பிஞ்சு இதழில் முக்கியமான சில கேள்விகளுக்கும் பதில் அளிக்கவிருக்கிறார் – உங்கள் கேள்விகளை நீங்கள் பெரியார் பிஞ்சு இதழுக்கு அனுப்பலாம்.
“கேளுங்கள் மிஸ்டர் ஜி.கேவிடம்!” என்று குறிப்பிட்டு உங்கள் கேள்விகளை அஞ்சல்/ மின்னஞ்சல் வழியாக அனுப்புங்கள்.
