விழிப்புணர்வு ஒளியேற்றுவோம்! (உரையாடல் கவிதை)
ராசா: தீபா வளிக்குப் பட்டாசு
தயவு செய்து வேணாம்டா;
ராமு: ஆகா, உனக்கு என்னாச்சு?
அதிச யம்தான் உன்பேச்சு!
ராசா: பட்டாசு வெடிக்கும் புகையாலே
பரவும் மாசு சூழலிலே;
ராமு: போன ஆண்டில் வெடித்தாயே
புதிதாய் இப்போ சொல்லுறயே;
ராசா: சிகரெட், பீடி புகைப்போரை
சீக்கிரம் பற்றும் கொரோனாதான்
ராமு: ஆமாம் ராசா, உண்மைதான்
அதற்கும் இதற்கும் தொடர்பென்ன?
ராசா: பட்டாசுப் புகையும் சேர்ந்திட்டால்
பரவிடும் தொற்றும் கூடிடுமே;
ராமு: அதனால் என்ன செய்வதடா?
அதையும் நீயே சொல்லிடுடா!
ராசா: பட்டாசு வாங்கும் பணத்தினிலே
சோப்பு சானி டைசருடன்
முகக்கவ சங்கள் வாங்கிடுவோம்;
ஏழை களுக்கே வழங்கிடுவோம்!
ராமு: அருமை யான யோசனைதான்;
அனைத்துப் பள்ளி நண்பரெல்லாம்
ஒன்றாய்க் கூடி விழிப்புணர்வின்
ஒளியை ஏற்றி உயிர்காப்போம்!
– கே.பி.பத்மநாபன்,
சிங்காநல்லூர்,
கோவை-641005
