உலகம் ஒரு புத்தகம்

உலகம் ஒரு புத்தகம்

கதிரவன் கிழக்கினில் தெரியுது
கடமையை நம்மிடம் பதிக்கிது

வளைந்தும் ஆறுகள் ஓடுது
இறுதியில் கடலை நாடுது

அலைகள் கரையை மோதுது
ஆழ்கடல் அமைதியை ஓதுது

மலைகள் உயர்ந்து நிற்குது
மங்கா புகழைக் கற்குது

சுரும்பினம் மலர்த்தேன் சப்புது
இருப்பவர் கொடுப்பதைச் செப்புது

காற்றே புயலாய் வீசுது
கடுஞ்சின அழிவைப் பேசுது

இரவினில் விண்மீன் ஒளிருது
இருக்கிற வாய்ப்பைப் பகருது

இயற்கை பாடம் சொல்லுது
ஏற்றிடு மனதில் நல்லது.

– செழியரசு