செய்தித்தாள் படி!
காலை மாலை செய்தித்தாள்
கருத்தாய் நீயும் படித்திடு
நாளை நமக்கு உதவிடும்
நன்றாய் நீயும் அறிந்திடு!
இன்று நடக்கும் நிகழ்வுகள்
எதிர்கா லத்தின் வரலாறு
குன்றாப் புகழைப் பெற்றிடவே
குறள்போல் சிறிதாய்க் குறிப்பெடு!
கதைகள் கவிதைகள் கட்டுரைகள்
களிப்புற வாழ்வியல் சிந்தனைகள்
விதைகள் அன்றோ செய்தித்தாள்
விருட்சம் ஆக்கும் படிப்போரை!
படித்தால் அறிவு வளர்ந்திடும்
பண்புள் ளோராய் வளர்த்திடும்
விடிந்தால் புதிய செய்திகள்
வாவென் றுனையே அழைத்திடும்!
செய்தித் தாளைத் தினம்படித்தால்
சிந்தனைத் திறன்தான் வளர்ந்திடும்
மெய்யாம் இந்தச் சேதியினை
மனதில் பதித்தே உயர்ந்திடு!.
– அருப்புக்கோட்டை செல்வம்
