கண்களிரண்டைக் காப்போமே!
புலியைப் பார்ப்பதும் கண்ணாலே! – புள்ளி
மானைப் பார்ப்பதும் கண்ணாலே!
இந் நாளை பார்ப்பதும் கண்ணாலே! – சீறும்
வாளைப் பார்ப்பதும் கண்ணாலே!
மண்ணைப் பார்ப்பதும் கண்ணாலே! – அழகு
விண்ணைப் பார்ப்பதும் கண்ணாலே!
பனியை பார்ப்பதும் கண்ணாலே! – சுவைக்
கனியை பார்ப்பதும் கண்ணாலே!
மரத்தை பார்ப்பதும் கண்ணாலே! – நம்
கரத்தை பார்ப்பதும் கண்ணாலே!
அழகு என்னும் பேராலே – அதன்
இயல்பைக் கெடுக்க வேண்டாமே!
மஸ்காரா மைகள் போடாமல் – நம்
கண்களிரண்டைக் காப்போமே!
_ வி.யாழ்ஒளி
சென்னை
