நடைப்பயிற்சி
![2016_nov_pinju2](https://periyarpinju.com/wp-content/uploads/2016/11/2016_nov_pinju2.jpg)
நடைப்பயிற்சி
காலை மாலை கைவீசி
கடற் கரையில் நடந்திடுவேன்
நாளை என்றும் கடத்தாமல்
நாளும் நானும் நடந்திடுவேன்
உடம்பு வியர்க்க நடந்திடுவேன்
உற்சாகத்தைப் பெற்றிடுவேன்
அடம் பிடித்து அழாமலே
அழகாய் நானும் நடந்திடுவேன்
கடற்கரைக் காற்றில் மகிழ்ந்திடுவேன்
கால்களை நீரினில் நனைத்திடுவேன்
விடாது துரத்தும் அலை நீரில்
விளையாடி நானும் களித்திடுவேன்
ஊரில் உள்ளோர் அனைவருமே
உற்சாக மாக நடக்கின்றார்
வாருங்கள் தோழர் தோழியரே
சேர்ந்து நடந்து நலம் பெறுவோம்!
– மு.பாலசுப்பிரமணியன், முத்தியால்பேட்டை