கொள்கைக் கோமான்கள்!
ஈரோடு காஞ்சிபுரம்
இரண்டும்தெரிந்த ஊராம் – பெரியார்
ஈ.வெ.ரா. அறிஞர்அண்ணா
எவரும் அறிந்த பேராம்!
தேரோடும் திருவாரூர்
திருமண்தந்த சீராம் – கலைஞர்
தீந்தமிழைச் செம்மொழியாய்த்
திகழவைத்த மேராம்!
வேரோடு தீண்டாமை
வீழச்செய்த பேராம் – அந்த
வெற்றிப்படைத் தளபதிநம்
வீரமணி யாராம்!
போராடி மட¬யினைப்
போக்கஉழைத் தோராம் – வந்து
புரட்சிக்கொடி பிடித்தவர்நம்
புதுவைக் கவிஞர் ஏறாம்!
ஊராரின் பகுத்தறிவை
ஊட்டிவளர்த் தாராம் – இந்த
உலகின்ஜாதி மதக்கறையை
ஓட்டிஒழித் தாராம்!
கூரான சிந்தனைமேற்
கொண்டகொள்கை யோராம் – அந்தக்
கோமான்கள் கொள்கையைமேற்
கொள்ளல்நம்கைம் மாறாம்!
– தளவை இளங்குமரன், இலஞ்சி
