உதவுதல் அழகு!
உதவுதல் வாழ்க்கைக்கு அழகு – அதை
ஒவ்வொரு நாளுமே பழகு!
முதலுதவி என்பதுவும் ஒன்று – அதை
முயற்சித்தால் கற்றிடலாம் நன்று!
ஆபத்துக் காலத்தில் தேவை – சற்று
ஆராய்ந்தால் அதுசிறந்த சேவை.
நீபார்த்துச் செய்கின்ற உதவி – உனக்கு
நிச்சயமாய் உயர்வளிக்கும் பதவி!
விரிவானின் உதவிதானே மழை – இந்த
மண்செய்யும் உதவிக்கென்ன விலை.
அறிவாளர் உதவி நல்ல கல்வி – இதை
அகத்தில் என்றென்றும் கொள்நீ!
கதிரவனின் உதவியாலே விடியும் – நம்பு
கரம்சேர்ந்தால் முடியாததும் முடியும்.
மதியுள்ளோர் மனதினிலே தங்கும் – பிறர்
வாழ்வெல்லாம் வளமாகிப் பொங்கும்!
– அருப்புக்கோட்டை செல்வம்
