பேச நினைப்பதை பாடலாக்கும் குட்டி
சென்னையை அடுத்த ஸ்ரீபெரும்புதூரைச் சேர்ந்த பூவையார் என்னும் ஏழு வயதுச் சிறுவன் தொலைக்காட்சியில் வரும் பாடல் நிகழ்ச்சியொன்றில் கானா பாடல்களைப் பாடித் தெறிக்க விட்டுக் கொண்டிருக்கிறார். ஏழை மக்களின் உழைப்பின் அலுப்பைப் போக்க பாடும் பாடல்கள் கானா பாடல்கள். அத்தகைய பாடல்களைச் சொந்தமாக எழுதி, பாடி அசத்துகிறார் பூவையார். உலகத் தமிழர்களை மட்டுமன்றி எஸ்.பி.பி.சரண், சங்கர் மகாதேவன் உள்ளிட்ட பின்னணி பாடகர்கள் பலரையும் தனது கானா குரலால் ஈர்த்திருக்கிறார். இவரிடம் உள்ள சிறப்பு, தான் பேச நினைக்கும் அனைத்தையும் பாடலாகவே பாடிக் காட்டுவது ஆகும். இவரின் திறமை மேலும் வளர பெரியார் பிஞ்சுகளின் சார்பில் வாழ்த்துவோம்!
