மலேசியக் குழந்தைகள் மத்தியில் பயணிக்கும் பெரியார்
மலேசிய நாட்டின் பல்வேறு ஊர்களில் உள்ள தமிழ்ப்பள்ளிகளில் பயிலும் 300க்கும் மேற்பட்ட மாணவர்களுக்கு பெரியார் பிஞ்சு இதழ்கள் மற்றும் பெரியார் கட்டுரைகள் அடங்கிய பாரதிதாசன் நூல்கள் கடந்த ஜனவரி மாதத்தில் வழங்கப்பட்டன.
தெலோக் டத்தோ, சுங்கேய் சீடு, சுங்கேய் சோ, மன்டின், தெலோக் மெர்பாவு, தமிழ்ப் பள்ளிகளுக்கு பெரியார் பெருந்தொண்டர்கள் கோ. ஆடையார், இர. பெரியசாமி, நடராசன், திரு.இரவி ஆகியோர் நூல்களை வழங்கினர். திராவிட இயக்கப் பணியாளர், தோட்டத் தொழில் ஆலோசகர் மு.கோவிந்தசாமி அவர்களின் ஏற்பாட்டில் இந்த நிகழ்வுகள் சிறப்பாக நடைபெற்றன. பெரியார் மற்றும் டாக்டர் கி.வீரமணியின் சமூக பணிகள் குறித்து அவர் விளக்க உரை நிகழ்த்தினார்.
