புவியை ஆளலாம்!
காலை மாலை வேளைகளில்
நடை நடக்கலாம்!
காற்று வாங்கி கடற்கரையில்
களைப்பைப் போக்கலாம்!
நூலகத்தை நாடிப் படித்து
அறிவில் உயரலாம்!
நுண்ணறிவு வளர்ச்சியிலே
மேன்மை அடையலாம்!
வேளையோடு* எதையும் செய்தால்
வெற்றியடையலாம்!
காலத்தோடு கடமை செய்தால்
தலைவராகலாம்!
பொதுநலமே கொள்கையென்றால்
புரட்சி நடக்கலாம்!
புதிய விடியல் எழுச்சியிலே
புவியை ஆளலாம்!
மு.பாலசுப்பிரமணியன், புதுச்சேரி
