எச்சரிக்கை

கோபி அருகே உள்ள வெள்ளாள பாளையம் அரசு ஊழியர் குடியிருப்பில் வசித்து வருபவர் குணசேகரன் (45). சாலைப் பணியாளரான இவரது மகன் தமிழீழம், (13) என்ற பிஞ்சுக்கு நேர்ந்த அனுபவம் இது. பெரியார் பிஞ்சு வாசகரான இவர், தனக்கு நேர்ந்த துயரம் நமது பிஞ்சு வாசகர்களுக்கு நிகழக் கூடாது என்பதற்காக இந்த எச்சரிக்கையை விடுக்கிறார்.

என் பெயர்: அ.கு.தமிழீழம்

நான் ஏழாம் வகுப்பு பயின்று வருகிறேன்.

நான் வீட்டில் தனியாக இருந்தபோது ஒருவர் வீட்டுக்கு வந்து உன்னை அப்பா கூப்பிடுகிறார் என்று அழைத்தார். நான் வெளியே வந்தேன். எதிர்பாராத நேரத்தில் என்னைக் கீழே தள்ளி வாயில் துணியை வைத்து வாயைக்கட்டி கையைக்கட்டித் தூக்கி மிதிவண்டியில் வைத்து சிறிது தூரம் காட்டுக்குள் கொண்டு சென்று கிரிக்கெட் மட்டையால் என்னைச் சரமாரியாக அடித்துவிட்டு ஓடிவிட்டார். இதைப் படிக்கின்ற பெரியார் பிஞ்சுகள், யார் அழைத்தாலும் வீட்டில் உள்ள பெரியவர்களுக்குத் தெரியாமலும், எங்கு செல்கிறோம் என்று சொல்லாமலும் செல்லவேண்டாம் என்று கேட்டுக் கொள்கிறேன்.