அசத்தும் அறிவியல்

கண்ணுக்குத் தெரியாத தீயணைப்பான்

அறிவரசன்

தேவையான பொருள்கள்

ஒரு கண்ணாடிக் கோப்பை, பைகார்ப் சோடா, புளிங்காடி (Vinegar), தேக்கரண்டி, Tealight மெழுகுவர்த்திகள்-3, தீப்பெட்டிகள்.

செயல்முறை
1.    ஒரு தேக்கரண்டி பைகார்ப் சோடா மற்றும் அரை கப் வினிகரை கோப்பையில் கலக்கவும். நீங்கள் என்ன கவனிக்கிறீர்கள்?

2.    குமிழிகள் போன்று நுரை நுரையாக மாறுவதைக் கவனித்தீர்களா?

3.    உங்களிடம் உள்ள மெழுகுவர்த்தியைப் பற்ற வைத்து ஒளிரச் செய்யுங்கள்.

4.    கவனமாக, எரியும் மெழுகுவர்த்தியின் மீது கோப்பையைக் கவிழ்க்கவும். திரவத்தை வெளியே ஊற்றாமல் இதைச் செய்யுங்கள்.

5.    அந்த நெருப்புக்கு என்ன நடக்கிறது என்பதைக் கவனியுங்கள்!

என்ன நடக்கிறது?

வினிகர் (அசிட்டிக் அமிலம்) மற்றும் பைகார்ப் சோடா (சோடியம் பைகார்பனேட்) ஆகியவற்றுக்கு இடையேயான வேதிவினை கார்பன்_டை_ ஆக்சைடு வாயுவை(CO2) உருவாக்குகிறது. அதனுடன் தண்ணீரும், மற்றும் சோடியம் அசிடேட் என்று அழைக்கப்படும் உப்பும் உருவாகும். CO2 சாதாரண காற்றை விட அடர்த்தியானது, அதனால் அது உடனடியாக காற்றுடன் கலக்காமல் அந்த கோப்பையிலே தங்கிவிடும். அதாவது இப்போது உங்களிடம் கார்பன்_-டை_ஆக்ஸைடு நிறைந்த ஒரு கோப்பை உள்ளது.

காற்றில் ஆக்ஸிஜன் (O2)  இருப்பதன் காரணமாகவே மெழுகுவர்த்தி எரிகிறது, மெழுகு-வர்த்தியைக் கொண்ட கோப்பையில் நாம் உருவாக்கிய CO2 அய் ஊற்றும்போது, CO2 கோப்பையின் அடிப்பகுதியில் மூழ்கி மெழுகுவர்த்தியைச் சுற்றிப் படர்கிறது. இது பல வாயுக்களும் கலந்துள்ள சாதாரண காற்றை இடப்பெயர்ச்சி செய்கிறது (அதாவது டம்ளர்களுக்குள் மேலே தள்ளுகிறது), தீ எரிய O2 தேவை. இப்போது அது டம்ளருக்குள் சென்றுவிட்டது.CO2 கீழே இறங்கியதும் மெழுகுவர்த்தி கண்ணுக்குத் தெரியாமல் அணைக்கப்படுகிறது.

CH3COOH + NaHCO3  —> CH3COONa + H2O + CO2

கார்பன்_ டை_ ஆக்சைடு நம்மைச் சுற்றியுள்ள காற்றை விட 1.5 மடங்கு அடர்த்தி கொண்டது. எனவே, அது ஒரு குறுகிய காலத்திற்கு கோப்பைக்குள் உள்ளே இருக்கும்.

ஆனால் கார்பன் டை ஆக்சைடு ஏன் தீயை அணைக்கிறது?

ஒரு நெருப்பு எரிவதற்கு, மூன்று பொருள்கள் இருக்க வேண்டும்.

1.    எரிபொருள் (எ.கா. மரம், பெட்ரோல்)
2.    ஒரு ஆக்ஸிஜனேற்ற முகவர்- _ பொதுவாக நம்மைச் சுற்றியுள்ள காற்றில் இருக்கும் ஆக்ஸிஜன்.
3.    வெப்பம்

இந்த மூன்றில் ஏதேனும் ஒன்றை நீக்கினாலும் தீ அணைக்கப்படும்.

இந்தச் சோதனையில், அடர்த்தியான கார்பன்_ டை_ஆக்சைடு, தீப்பிழம்பைச் சுற்றியுள்ள ஆக்ஸிஜன் நிறைந்த காற்றை இடம்பெயர்த்து, திறம்பட தீயை அணைக்கிறது.

நாம் கேட்டுத் தெளிய வேண்டிய கேள்விகள்:

• ஒரு நெருப்பு எரிய என்ன தேவை?

• மெழுகுவர்த்தியிலிருந்து வரும் எரிபொருள் என்ன? (இது உண்மையில் திரி அல்ல!)

• ஆக்ஸிஜன் எங்கே? வேதிவினை என்றால் என்ன?

• வேறு எந்த வகையான வேதிவினைகளைப் பற்றி சிந்திக்கலாம்?

• பைகார்ப் மற்றும் வினிகர் கலக்கப்படும்போது நீங்கள் என்ன பார்க்கிறீர்கள்? என்ன நடக்கிறது?

• கார்பன் டை ஆக்சைடை சுடர் மீது ஊற்றும்போது என்ன நடக்கும் என்று நீங்கள் நினைக்கிறீர்கள்? சுடர் அணைந்தது ஏன்?

• மெழுகுவர்த்தியை அணைக்க வேறு வழி என்ன?

• நெருப்புக்கு அவசியமான மூன்று விஷயங்-களில் என்ன எடுக்கப்பட்டது?

அடுத்து என்ன?
குளிர்பான பாட்டில் போன்ற ஒரு குறுகிய திறப்புடன் கூடிய ஒரு கொள்கலன் உங்களிடம் இருந்தால், இந்த வேதி வினையால் உருவாக்கப்பட்ட கார்பன் டை ஆக்சைடு வாயுவை ஒரு பலூனை நிரப்ப நீங்கள் பயன்படுத்தலாம். |

வழக்கமான காற்று நிரப்பப்பட்ட பலூனுடன் இதை ஒப்பிட முயற்சிக்கவும். இரண்டும் ஒரே மாதிரி இருக்கிறதா? வேறுபாடு இருக்கிறதா என்பதையும் பார்க்கவும்.

ஒரு கோப்பையில் உள்ளே CO2- கொண்டு எத்தனை மெழுகுவர்த்திகளை அணைக்க முடியும்?

நீங்கள் மெழுகுவர்த்திகளுக்கு பதிலாக தீப்பெட்டிகளைப் பயன்படுத்தினால், சுடர்களைக் கோப்பையில் ‘நனைக்க’ முயற்சிக்கவும். ஒரு வெற்றுக் கோப்பையிலும் இதை முயற்சிக்கவும்.  ஏதேனும் வித்தியாசம் உள்ளதா? என்பதையும் சோதித்துப் பார்க்கலாம்.