விடுதலையைத் திராவிடர்க்கு நெய்தார்!
தங்கையரே! தம்பியரே! வாருங்கள்! – தலைவர்
தந்தை பெரியார் வாழ்வைக் கேளுங்கள்!
எங்கெங்கும் அவர்கொள்கை பரப்புங்கள்! – தமிழர்
இனமானம் குன்றாது நிரப்புங்கள்!
பகுத்தறிவுச் சிந்தனைகள் விதைத்தார் – தமிழரைப்
பற்றியுள்ள நோய்களெல்லாம் புதைத்தார்!
வெகுவாகப் போராட்டம் கண்டார்! – கொடிய
வெஞ்சிறைக்கும் அஞ்சிடாமல் வென்றார்!
வைக்கத்தில் படைநடத்திச் சென்றார்! – ஆரியர்
வாயடைத்து மெய்புதைத்து நின்றார்!
வைக்கத்தின் வீதிகளில் அன்று! – நடக்க
வாங்கித்தந்தார் உரிமைகளை வென்று!
சாதிமத பேதங்களை அழித்தார் – மூட
சனாதனக் கொள்கைகளை ஒழித்தார்!
வீதியெங்கும் பரப்புரைகள் செய்தார் – அறிவு
விடுதலையைத் திராவிடர்க்கு நெய்தார்!
– டாக்டர் மதி
![தமிழ்க் கரும்பால் ஆங்கிலச் சிவை அறிவோம் : வினை உரிச் சொற்கள் [ADVERBS] - 16](https://periyarpinju.com/wp-content/uploads/2020/09/2020_aug_v42-150x150.jpg)
