உறவுகள்!
இனமும் மதமும் ஜாதிகளும்
உலகில் பலவாய் இருந்தாலும்
மனதால் ஒன்று பட்டவர்நாம்!
மண்ணின் பெருமை ஒற்றுமையே!
பேசும் மொழிகள் பலவாகும்
பேணும் மொழியோ அன்பாகும்;
மாசும் மறுவும் இல்லாத
‘மனிதம்’ நமக்குப் பொதுவாகும்!
ஆடை அணிகள் அலங்காரம்
அங்கும் இங்கும் வேறாகும்;
கூடை நிறைந்த மலராலே
கோத்த மாலை போலாகும்!
வேற்று மையில் ஒற்றுமையே
வெற்றிக் கான வாக்காகும்
ஊற்றெ டுக்கும் அன்பாலே
உறவாய் வாழும் உலகோர்நாம்!
– கே.பி.பத்மநாபன், கோவை
