விளையாடு!
ஓடிப் பிடித்து விளையாடு!
ஒவ்வொரு நாளும் துடிப்போடு!
திறமைகள் விளங்கட்டும் படிப்போடு!
தேடி வந்திடும் பாராட்டு!
அங்கங்கள் திகழட்டும் மிடுக்கோடு!
ஆரோக்கியம் தொடர்ந்திடும் அழகோடு!
வேண்டாம் கொழுப்பு நிப்பாட்டு!
விபரீதச் செயலுக்கு சினங்காட்டு!
கணினியில் விளையாட்டா? முடிவுகட்டு!
கபடி, மல்லர் கம்பத்திற்கு உயிரூட்டு!
சிலம்பம், கராத்தே தோள் தட்டு!
சாதனை படைத்தே முகங்காட்டு!
அன்னைத் தமிழுக்குத் தேரோட்டு!
அறியாமை விலகிட எரியூட்டு!
பகுத்தறிவு பரவ ஒளியூட்டு!
பாமரர் சிந்திக்க விழிப்பூட்டு!
தமிழர் பெருமைக்குத் தாலாட்டு!
தன்மானம் பெரிதென நிலைநாட்டு!
வீரம் முகிழ்த்திடும் விளையாட்டு!
வாகை சூடி முரசு கொட்டு!
– “சோழா” புகழேந்தி
