தலைகவசம்
வருடங்கள் தோறும் மக்கள் தொகைதான்
வானள வாகப் பெருகிடுதே!
வானள வான மக்களுக் கேற்ப
வாகனத் தொகையும் பெருகிடுதே!
பெருகிடும் வாகனத் தொகையினுக் கேற்ப
நிகழ்ந்திடும் விபத்தும் பெருகிடுதே!
நிகழ்ந்திடும் சாலை விபத்தினுக் கேற்ப
பிரிந்திடும் உயிர்களும் பெருகிடுதே!
பிரிந்திடும் உயிர்களைத் தலைக்கவ சம்தான்
பெரிதினும் காப்பதும் தெரிகிறதே!
பெரிதினும் காப்பதைப் பயன்படுத் தாதது
பெருந்தவ றென்பதும் புரிகிறதே!
புரிந்துடன் கவசத்தை ஓட்டுந ருடன்பின்
போவோரில் அணியமுன் வருபவரே
பொன்னிகர் வாழ்வினை விபத்தினில் துறவா(து)
பூமியில் வாழ்ந்திடப் பெறுபவரே!
– தளவை இளங்குமரன்,
இலஞ்சி, திருநெல்வேலி
குறிப்பு:
சென்னை நகரில் சாலை – விபத்துகளில் இறப்போர் எண்ணிக்கையைக் கட்டுப்படுத்த மே 23-முதல் வாகனத்தை ஓட்டுபவரும் பின்னால் அமர்ந்திருப்பவரும் தலைக் கவசம் அணிந்திருக்க வேண்டும் என்று ஆணையிடப்பட்டுள்ளது…
