பள்ளிக்கூடம்
நாங்கள் படிக்கும் பள்ளிக்கூடம்
நாளும் நடக்கும் தமிழ்ப்பாடம்!
அரசே நடத்தும் பள்ளிக்கூடம்
அறிவை வளர்க்கும் கல்விக்கூடம்!
காலை மதியம் உணவளிப்பார்
கனிவாய் எம்மை அரவணைப்பார்!
கல்வி கற்போம் இளமையிலே
கவனம் கொள்வோம் வகுப்பினிலே!
இளமையில் கல்வி உயர்வாகும்
என்றும் நமக்கு வழிகாட்டும்!
ஆசான் சொல்லைக் கேட்போமே
ஆசே* இன்றிப் பயில்வோமே!
கல்வி கற்போம் கசடறவே
கற்ற வழியில் வாழ்வோமே!
ஆயிரம் பள்ளிகள் இருந்தாலும்
அரசுப் பள்ளி உயர்வாகும்!
ஏழைகள் படிக்க உதவிடுமே!
எல்லோரும் சமமாய்ப் பயில்வோமே!
நம்பிக்கை வளர்க்கும் பள்ளியினால்
நாளைய உலகம் நமதாகும்!
அறிவில் இமயம் ஆவோமே
அறியா மைதனை ஒழிப்போமே!
ஜாதிகள் மதங்கள் மறக்குமிடம்
சமத்துவம் ஆக்கிடும் பள்ளிக்கூடம்.
– ஆ.ச. மாரியப்பன்,
புதுக்கோட்டை.
