எங்கள் வீட்டு குட்டிப் பாப்பா
எங்கள் வீட்டு குட்டிப் பாப்பா
எதையும் கண்டு அஞ்ச மாட்டாள்
பேய் பூதம் இல்லை என்பாள்
ஒத்தைக் கண்ணன் நம்ப மறுப்பாள்
இடியின் சத்தம் இனிமை என்பாள்
இருட்டில் கூட தனியே நடப்பாள்
குரைக்கும் நாயை முறைத்துப் பார்ப்பாள்
கரப்பான் பூச்சியைக் கையில் பிடிப்பாள்
ஊசி என்றால் ஓட மாட்டாள்
கசாயம் தந்தால் குடித்துக் கொள்வாள்
தவறுகள் செய்தால் திருத்திக் கொள்வாள்
எங்கும் எதையும் மறைக்க மாட்டாள்
எங்கள் வீட்டு குட்டிப் பாப்பா
எதையும் கண்டு அஞ்ச மாட்டாள்.
– ‘பஞ்சு மிட்டாய்’ பிரபு
