தோட்ட உலகம்!
எங்கள் வீட்டுத் தோட்டம்
எழில் கொழிக்கும் தோட்டம்…
அங்கும் இங்கும் செடிகள்
அடர்ந்து படர்ந்த கொடிகள்!
தொங்கும் புடலைத் தோட்டம்
தோப்புப் போன்ற தோட்டம்…
சங்கு வண்ணக் கத்திரி…
சரஞ்சரமாய் பாகற்காய்!
சுற்றுப்புறம் சுரைக்காய்…
கொத்துக் கொத்தாய் அவரைக்காய்…
வெற்றுத் தரையாய் – இல்லாது
வகைபல கீரைகள் கண்டிடலாம்!
எங்கள் வீட்டுத் தோட்டம்…
எல்லாம் விளையும் தோட்டம்…
நீங்கள் வந்து பாருங்கள்…
நெஞ்சம் நிறைந்து நெகிழ்வீரே!
– ச.ஆ.கேசவன்,
இனாம்மணியாச்சி, கோவில்பட்டி
